ආයුබෝවන්! අද අපි කතා කරන්න යන්නේ Aesthetic Medicine ලෝකයේ තියෙන වඩාත්ම ස්වභාවික, ඒ වගේම ගොඩක් දෙනෙක් පුදුමයට පත් කරන ප්රතිකාරයක් ගැන. සමහරවිට ඔබ මේක අන්තර්ජාලයේ දැකලා ඇත්තේ “Vampire Facial” (වැම්පයර් ෆේෂල්) කියන නමින් වෙන්න පුළුවන්. ඒ තමයි PRP (Platelet-Rich Plasma) ප්රතිකාරය.
ගොඩක් ජනප්රිය හොලිවුඩ් තරු (උදාහරණයක් විදිහට Kim Kardashian) මුහුණ පුරා ලේ ගාගෙන ඉන්න පින්තූර දැක්කම ගොඩක් අය මේකට බය වුණා. හැබැයි ඇත්තටම මේක බය වෙන්න දෙයක්ද? මේකෙන් කරන්නේ මොකක්ද? අද අපි වෛද්යවරයෙක් විදිහට මේ ගැන සම්පූර්ණ ඇත්ත කතාව දැනගමු.
ඇත්තටම මොකක්ද මේ PRP කියන්නේ?
PRP කියන එකේ දිගු නම තමයි Platelet-Rich Plasma. සරලවම කිව්වොත් මේකෙදි කරන්නේ ඔබේම ඇඟේ තියෙන ලේ (රුධිරය) පාවිච්චි කරලා ඔබේ සම සහ හිසකෙස් නැවත වර්ධනය කරන එකයි.
අපේ රුධිරයේ ප්රධාන කොටස් කිහිපයක් තියෙනවා: රතු රුධිරාණු, සුදු රුධිරාණු, ප්ලාස්මා සහ පට්ටිකා (Platelets). මේ පට්ටිකා වල තමයි අපේ ඇඟේ තුවාලයක් වුණාම ඒක සුව කරන්න අවශ්ය කරන වර්ධක සාධක (Growth Factors) විශාල ප්රමාණයක් අඩංගු වෙන්නේ. හරියට ගෙයක් හදන්න ඕන කරන බාස්ලා, මේසන්ලා ඔක්කොම ඉන්නේ මේ Platelets ඇතුළෙයි.
ඉතින් අපි කරන්නේ මේ Growth Factors පිරුණු පට්ටිකා ටික වෙන් කරගෙන, ඒක අපිට අවශ්ය තැනට (මුහුණට හෝ හිසට) නැවත ලබා දෙන එකයි. එතකොට සමේ තියෙන සෛල වලට මේ Growth Factors ලැබිලා අලුතින් කොලජන් (Collagen) නිෂ්පාදනය කරන්න පටන් ගන්නවා.
PRP ප්රතිකාරය කරන්නේ කොහොමද? පියවරෙන් පියවර…
මේක අහන්න ටිකක් බය හිතෙන්න පුළුවන් වුණාට ඉතාමත් සරල ක්රියාවලියක්:
- ලේ ගැනීම: මුලින්ම රසායනාගාරයකදී වගේම ඔබේ අතෙන් රුධිරය මිලිලීටර් 10ක් 20ක් වගේ සුළු ප්රමාණයක් ලබා ගන්නවා.
- ලේ කැරකැවීම (Centrifuge): ඊට පස්සේ මේ රුධිරය විශේෂ මැෂින් එකකට (Centrifuge) දාලා වේගයෙන් කරකවනවා. විනාඩි 10ක් විතර යද්දි රුධිරයේ තියෙන රතු රුධිරාණු යටට ගිහින්, උඩට ලස්සන රන්වන් පාට දියරයක් වෙන් වෙලා එනවා. මේ රන්වන් පාට දියරය තමයි අපි Liquid Gold (ද්රව රත්තරන්) නැත්නම් PRP කියලා කියන්නේ. මේකේ තමයි අර කියපු Growth Factors ඔක්කොම පිරිලා තියෙන්නේ.
- හිරිවැට්ටීම: මේ වෙලාවේදී ඔබේ මුහුණට හිරිවැටෙන ක්රීම් එකක් ගාලා විනාඩි 30ක් විතර තියෙනවා.
- එන්නත් කිරීම හෝ මයික්රොනීඩ්ලිං: ඊට පස්සේ අර වෙන් කරගත්ත රන්වන් පාට PRP දියරය ඉතාමත් කුඩා ඉඳිකටුවකින් මුහුණට එන්නත් කරනවා. එහෙමත් නැත්නම් Microneedling (මයික්රොනීඩ්ලිං) කියන ක්රමය පාවිච්චි කරලා සම මතුපිටින් ඇතුළට යවනවා.
PRP වලින් මොනවාද කරන්න පුළුවන්? ගැලපෙන්නේ කාටද?
මේක ඇවිල්ලා All-in-one ප්රතිකාරයක්. එකම ප්රතිකාරයෙන් ප්රශ්න ගොඩක් විසඳගන්න පුළුවන්:
- කුරුලෑ කැළැල් (Acne Scars): මුහුණේ තියෙන වලවල් සහ කැළැල් මැකෙන්න මේකෙන් ලොකු සහයෝගයක් ලැබෙනවා.
- සමේ වර්ණය සහ දීප්තිය (Skin Glow): සමේ අඳුරු ගතිය නැති වෙලා, මැරුණු සම ඉවත් වෙලා පුදුමාකාර ස්වභාවික දීප්තියක් (Glow) එකක් එනවා.
- රැලි වැටීම් සහ වයසට යාම (Anti-Aging): අලුතින් කොලජන් හැදෙන නිසා සමේ තියෙන පොඩි රැලි (Fine lines) නැති වෙලා සම තද වෙනවා.
- ඇස් යට කළු වීම: ඇස් යට තියෙන කළු ගතිය සහ වල ගැසීම් අවම කරන්න PRP වලින් පුළුවන්.
- හිසකෙස් වර්ධනය (Hair Loss Treatment): මුහුණට වගේම මේ PRP දියරය හිසට එන්නත් කළොත්, හිසකෙස් යන එක සම්පූර්ණයෙන්ම නවතිනවා වගේම, තුනී වෙච්ච කොණ්ඩය නැවත ඝනව වැවෙන්න පටන් ගන්නවා! කොණ්ඩය යන අයට අද ලෝකයේ තියෙන සාර්ථකම ප්රතිකාරයක් තමයි මේක.
මේක ආරක්ෂිතද? Side effects තියෙනවද?
අපි Aesthetic Medicine වල කරන ප්රතිකාර වලින් 100%ක්ම ආරක්ෂිතම ප්රතිකාරය PRP කියන එකේ කිසිම වැරැද්දක් නැහැ. ඒකට හේතුව තමයි මේකට පිටින් කිසිම බෙහෙතක් පාවිච්චි කරන්නේ නැහැ. ඔබේම ඇඟේ තියෙන ලේ තමයි අපි නැවත ඔබටම ලබා දෙන්නේ.
ඒ නිසා කිසිම විදිහකින් Allergic (අසාත්මිකතා) වෙන්නේ නැහැ. ඇඟෙන් මේක ප්රතික්ෂේප කරන්නේ නැහැ. ප්රතිකාරයෙන් පස්සේ දවසක් දෙකක් යනකම් මුහුණේ පොඩි රතු වීමක් තියෙන්න පුළුවන් (හිරු එළියට පිලිස්සුණා වගේ). හැබැයි දවස් 2කින් පස්සේ ඒක සම්පූර්ණයෙන්ම සාමාන්ය තත්ත්වයට පත් වෙනවා.
ප්රතිඵල පේන්න කොච්චර කල් යනවද?
බොටොක්ස් වගේ මේක දවස් 2-3න් පේන්නේ නැහැ. මොකද ඔබේ සම අලුතින් කොලජන් නිපදවන්න ඕනේ. සාමාන්යයෙන් සති 3ක් 4ක් යද්දි සමේ ලොකු දීප්තියක් සහ පැහැපත් බවක් ඔබටම බලාගන්න පුළුවන්. හොඳම ප්රතිඵලයක් ගන්න නම් සාමාන්යයෙන් මාසයකට වතාවක් බැගින් ප්රතිකාර 3ක් වත් (Sessions 3) කරන්න කියලා අපි නිර්දේශ කරනවා.
වැදගත්ම දේ!
PRP කියන්නේ රුධිරයත් එක්ක කරන ප්රතිකාරයක්. ඒ නිසා මේක කරන තැන 100%ක්ම පිරිසිදු (Sterile) වෙන්න ඕනේ. ඒ වගේම පාවිච්චි කරන ටියුබ්ස් (PRP Tubes) උසස් තත්ත්වයේ වෛද්ය අනුමත ඒවා වෙන්න ඕනේ. බාල තත්ත්වයේ ටියුබ්ස් පාවිච්චි කළොත් රුධිරයේ තියෙන පට්ටිකා හරියට වෙන් වෙන්නේ නැහැ. එතකොට ප්රතිකාරයෙන් කිසිම තේරුමක් නැහැ.
ඒ නිසා අනිවාර්යයෙන්ම නිසි පහසුකම් තියෙන, පළපුරුදු වෛද්යවරයෙක් සිටින සායනයකින් (Clinic) පමණක් මේ PRP ප්රතිකාරය කරගන්න වගබලා ගන්න.
ඔබටත් ස්වභාවික විදිහට, පිටින් කිසිම රසායනික ද්රව්යයක් ඇඟට දාගන්නේ නැතුව ඔබේ සමේ තරුණ පෙනුම රැකගන්න ඕනේ නම් PRP කියන්නේ ඔබට තියෙන හොඳම විකල්පයයි. අදම වෛද්යවරයෙක් හමුවෙලා වැඩිදුර උපදෙස් ලබාගන්න!
(සටහන: මෙම ලිපිය හුදෙක් ඔබව දැනුවත් කිරීම සඳහා පමණි. ඕනෑම ප්රතිකාරයක් කිරීමට පෙර වෛද්යවරයෙකු හමුවී පුද්ගලිකව උපදෙස් ලබා ගැනීම අත්යවශ්ය වේ.)